حذف البيانات

آخر تحديث: تشرين الأول 2026

هاي الصفحة بتشرح كيف تطلب حذف بياناتك من «سَنَد» — سواء حكيت مع متجر بيستعمل سَنَد على واتساب أو فيسبوك ماسنجر أو إنستغرام، أو كنت صاحب متجر مشترك معنا.

إذا كنت زبون حكيت مع متجر

1. ابعت للمتجر بنفس المحادثة كلمة «موظف» واطلب حذف بياناتك، وهو بيتواصل معنا لتنفيذ الطلب.
2. أو ابعتلنا مباشرة على info@sanadbot.com، واذكر رقم تلفونك أو اسم حسابك واسم المتجر اللي حكيت معه.

إذا كنت صاحب متجر

تواصل مع إدارة سَنَد على رقم الواتساب اللي بتوصلك منه تنبيهات المنصة، أو ابعتلنا إيميل على info@sanadbot.com، واطلب حذف حسابك. بنحذف المتجر وكل بياناته (المنتجات، الطلبات، الزبائن، المحادثات، وربط فيسبوك وإنستغرام إذا موجود).

شو بينحذف؟

• رقمك أو معرّف حسابك على فيسبوك/إنستغرام، واسمك.
• المحادثات والرسائل الصوتية والصور اللي بعتها.
• عناوينك وطلباتك.

بننفّذ الطلب خلال 30 يوم كحد أقصى، وبنأكدلك لما يخلص. ممكن نحتفظ بسجل الفاتورة بدون بياناتك الشخصية إذا القانون بيطلب هيك.

إلغاء ربط سَنَد من فيسبوك أو إنستغرام

إذا صاحب صفحة ربطها بسَنَد وبدو يوقف الربط: من فيسبوك افتح الإعدادات ← تكامل الأعمال (Business Integrations)، شيل «سَنَد»، وبعدين اطلب الحذف بالطريقة اللي فوق.

سياسة الخصوصية · شروط الاستخدام · صفحة سَنَد

سَنَد — تُدار من قبل محل احمد ابو صليح للخلويات · info@sanadbot.com